Единствениот градоначалник од ДПА, Азем Садику премина во редовите на Алијанса за Албанците

Градоначалникот на Студеничани од редовите на ДПА, Азем Садику, премина во партијата Алијанса за Албанците.

– Градоначалникот на Студеничани г-дин Азем Садику сега е дел од големото семејство на Алијанса за Албанците. Нему му се приклучија и локални структури кои одбија да се пазарат со актуелната власт. Правото и чистото триумфираа!, објавија од Алијанса за Албанците на Фејсбук.

Садику, кој беше единствениот избран градоначалник на ДПА својата одлука ја оправда со фактот дека бил предаден од неговиот актуелен лидер Мендух Тачи.

„Претседателот на ДПА ме продаде многу евтино. Јас ја немам таа цена. Тие подготвија стапица со ДУИ за промена на волјата на жителите во Студеничани. Но, наидоа на блокада, иако беше ангажиран целиот државен апарат, Владата, полиција, валкани пари, полициски коли,” изјави Садику.

Кон оваа партија се припои и целиот локален огранок на ДПА.

Лидерот на ДПА, Мендух Тачи, пак смета дека да не бил тој, Садику немало да победи и затоа според него не држат обвинувањата.

ПОВРЗАНИ ВЕСТИ

Министерот Хоџа од БЕСА не можел да седи на иста маса со ДУИ, ќе си поднесе оставка

„Со оставката на претседателот Зоран Заев, престанува и мандатот на целото раководство“, напиша Царовска на „Фејсбук“

Фото: Фејсбук/Алијанса за Албанците/МИА