Вкупните депозити (депозити на комитенти и депозити на банки) на НЛБ Банка АД Скопје на 31 декември лани, изнесувале 86.589.168 илјади денари и во однос на 31.12.2020 година се зголемени за 6.809.329 илјади денари или за 8,5%, стои во годишниот извештај за финансиското работење на Банката за минатата година, објавен преку Македонската берза.
„Зголемувањето на депозитите се должи на нови клиенти од сегментот домаќинства кои се приматели на пензии, плата и други видови примања, нови клиенти кои ги користат физичките и електронските платни сервиси на Банката и нови клиенти од сегментот нефинансиски правни лица, како и на зголемувањето на приливот на средства на сметките на постојните клиенти во домашна и странска валута“, велат од Банката.
ПОВРЗАНИ ВЕСТИ
НЛБ Банка лани работела со зголемени приходи и добивка
Именувани тројца нови членови на Управниот одбор на НЛБ д.д. Љубљана, меѓу кои и Антонио Аргир
Бранко Грегановиќ ќе ја води НЛБ Банка Скопје: Што пишува во неговата биографија