Вчерашниот меч помеѓу Шкендија и Шкупи во Тетово, кој заврши без голови, го следеа бројни инциденти, кои почнаа уште пред натпреварот.
Играчите на Шкупи беа нападнати на влезот на стадионот, а на навивачите на фудбалскиот клуб од Скопје не им беше дозволено да отпатуваат за Тетово.
За време на мечот беа фрлени тоалетнии хартии и беше употребен огномет, кои доведоа до прекини на натпреварот.
Кон крајот на првото полувреме со камен беше погоден играчот на Шкупи, Ардит Иљази, а камења „летаа“ и кон други играчи на клубот.
Со тврд предмет беше погоден и еден од помошните судии, што доведе до тепачка помеѓу играчите на двата тима.
Како сето тоа да не беше доволно, па за време на натпреварот, домашните навивачи испуштаа и мајмунски звуци упатени кон фудбалерот на Шкупи од Нигерија.
Видео: TV Shenja/TV 21