Тетекс АД Тетово за периодот јануари-јуни 2022 година оствари позитивен финансиски резултат искажан во неревидираниот единечен Биланс на успех, информираат од компанијата преку Македонската берза.
“Приходите остварени од продажба на готови производи и услуги се 21.086 илјади ден, и истите се резултат од редовното работење, во што се вклучени приходи од кирии, услуги и продажба на готови производи и стоки.
За тековниот период во финансиските приходи од 17.781 илјади ден, се евидентирани приходите од примени дивиденди, додека минатата година не се бележат приходи од примени дивиденди.
Остварените единечни вкупни расходи во периодот јануари – јуни 2022 година изнесуваат 28.644 илјади денари и во споредба со истиот период во 2022 година, кога изнесувале 25.342 илјади денари, бележат зголемување за 13 %.
Остварената добивка за периодот изнесува 5.361 илјади, што претставува зголемување од 66% во однос на истиот период минатата година, кога истата инесуваше 3.231 илјади денари“, велат од компанијата.
ПОВРЗАНИ ВЕСТИ
Бобан Гоговски назначен за директор на Тетекс
Кој ги наследи акциите на Глигорие Гоговски во Тетекс
Фото: Тетекс