Куќата во Битола каде е сместен бугарскиот клуб е на еврејско семејство кое е депортирано: Репортажа на германската телевизија ЗДФ

Германската новинарка Брита Хилперт во репортажа за македонскиот пат кон ЕУ на германскиот национален телевизиски сервис ЗДФ тврди дека куќата во Битола каде е сместен бугарскиот клуб „Ванчо Михајлов“ е на еврејско семејство кое е депортирано од бугарските фашисти власти.

Таа во репортажата меѓудругото го прашува директорот на бугарскиот центар, Љупчо Георгиевски зарем не е бесчувствително културниот центар да му се посвети на Иван Михаилов, кој соработувал со нацистите? Но, тој не смета дека тоа е проблем затоа што тој и Бугарите во Македонија имаат своја историја.

– Соработката не е докажана, вели тој.

И додава дека „поважна е неговата улога во историјата на Бугарите во Македонија“.

– Историските книги треба да се променат, вели тој.

ПОВРЗАНИ ВЕСТИ

За Бугарија не е проблем присуството на бугарскиот конзул за време на увидот на КЗСД во бугарскиот клуб

МНР: Бугарскиот конзул немал право да присуствува на увидот на Комисијата за спречување дискриминација во бугарскиот клуб

(Фото) Негаторски цитат за Македонците виси на ѕидот во културниот центар “Ванчо Михајлов“

Фото: Фејсбук/клуб „Ванчо Михајлов“