Пекабеско АД Скопје за периодот јануари-септември 2022 оствари позитивен финансиски резултат искажан во неревидираниот Биланс на успех во износ од 74 милиони денари, а истиот е понизок за 6% споредено со истиот период лани, информираат од компанијата преку Македонската берза.
“Главните причини за послабиот резултат се: пораст на трошоците за енергија за 203% во однос на минатата година, како и раст на сите влезни цени за набавка на суровини и репроматеријали и појава на Африканска чума и неможност да извезуваме на некои наши пазари“, велат од компанијата.
Остварените вкупни приходи од работењето во периодот јануари-септември 2022 година изнесуваат 4.010 милиони денари и во споредба со остварените во истиот период во 2021 година бележат зголемување од 13%.
Во структурата на вкупните приходи најголемо учество од 98,9%, имаат приходите остварени со продажба на готови производи, стоки и услуги кои во споредба со остварените во 2021 година бележат зголемување од 13%.
Остварените вкупни расходи во периодот јануари-септември 2022 година изнесуваат 3.933 милиони денари и во споредба со остварените во истиот период во 2021 година бележат зголемување од 15%, велат од компанијата.
ПОВРЗАНИ ВЕСТИ
Весна Кутревска повторно купи акции во Пекабеско
Поради замрзнатите цени, Пекабеско со намалена добивка во првите шест месеци
Фото: Пекабеско