Онишченко кој доби македонско државјанство пријавен на адреса во Пржино, никој никогаш не го видел

Украинскиот политичар Олександр Онишченко, кој доби македонско државјанство се води на адреса во скопско Пржино, објави телевизијата Телма.

Адресата му е заведена во избирачкиот список и на наредните избори, Онишченко може и да гласа на избирачко место во Општина Кисела Вода.

ПОВРЗАНИ ВЕСТИ

Избеган украински пратеник, кој е под санкции на САД, добил македонско државјанство и ја претставувал Македонија во коњички спортови

Сопственикот на куќата каде наводно во Скопје живее Онишченко за телевизијата вели дека неговите синови само му помогнале поради спортот и дека Онишченко никогаш не живеел на адресата.

Никој никогаш не го видел.

За сите обвинувања за корупција за Онишченко и незаконски дела, сопственикот за телевизијата вели: „Од каде Вие знаете дека е така, Ви кажале Американците“.

Не само на избирачкиот список, името на Онишченко може да се најде и на американската црна листа, затоа што со лажни монтажи на разговори се обидел да влијае на последните американски избори во полза на Доналд Трамп.

ПОВРЗАНИ ВЕСТИ

Четири институции дале позитивно мислење за да избеганиот украински политичар добие македонско државјанство, вели Спасовски

Фото: Призма/Инстаграм