По завршување на короната, новата црквата Св.Кирил и Методиј во Дортмунд интензивно продолжи да се гради, а последните две години како резултат на многу градежни зафати, црквата полека блеснува во својот сјај, информира за еМагазин, парохискиот свештеник Душко Пецов.
„Голем е Бог во своите дела. Голема е љубовта на целиот верен народ кој постојано е дел од нас преку светите богослужби и преку даренија-помош овозможи да се заврши изградбата.
Ние сме верен македонки народ надвор од Македонија не само по збор, туку и по дела. Донесовме мермер од Македонија за подот, за секој кој ќе влезе на молитва да стои на македонско тло и да вознесува молитви.
Дел од фреските се изработени од македонски зограф Славица Михаилова. Македонско дрво преку рацете на Јане Крстески со неговата дружина е преточено во олтар и донесено и монтирано тука во Дортмунд.
Парното е поставено од македонски мајстори. И прекрасниот мермер со сонцето од Кутлеш изработено од Горан Павлов и неговите другари.
Црковната управа мудро и организирано целосно се вложи во изградбата на овој објект и постојано допринесуваат за развој.
Остануваат уште мали детали за припрема и освет кој е планиран на 30 април 2023 година,“ вели Пецов.
ПОВРЗАНИ ВЕСТИ
Потребни се донации за осветување на црквата Св.Кирил и Методиј во Дортмунд
(Фото) Почна да се гради нова македонска црква во Дортмунд „Св.Кирил и Методиј“
Црквата „Св. Кирил и Методиј“ во Дортмунд изградена за четири месеци