Податоците на Институтот за јавно здравје (ИЈЗ) за периодот од 27.02 до 05.03.2023 година покажуваат дека се регистрирани 172 нови позитивни случаи од 18 градови во државата, со зголемување од 8,9% во однос на минатата недела (n=158).
Процентот на позитивност се движи од 5,9% до 19,1%, просечно 10,4%.
-Во текот на минатата недела со статус „оздравени“ се стекнале 122 лица во хоспитални услови или на домашно лекување, за 17,3% повеќе во однос на минатата недела (n=104).
Во текот на минатата недела, пријавени се 59 реинфекции, за 18% повеќе во однос на претходната недела (n=50).
Пријавено е едно починато лице со датум на смрт во текот на последната недела (27.02- 05.03.2023), лицето е од Куманово, со коморбидитети и починато во болнички услови. Лицето е на возраст од 75 години, стои во извештајот на ИЈЗ.
Фото: МЗ