Во интервју за највлијателното списание за жени „Убавина и здравје“, водителката Лила Филиповска за првпат проговори за својата битка со ракот на дојката.
-Се чувствувам одлично, победнички! Последниот пет-скен покажа дека канцерот се повлекол и дека сум здрава! Имам измешани чувства. На моменти се смеам гласно, па ќе ми надојдат солзи… Повеќе од една година бев во постојана неизвесност и сонував за овој момент кога докторите ќе ми кажат: „Лила, во оваа битка ти си победникот!“ За среќа, го дочекав тоа, вели таа.
Кога ја слушнала дијагнозата била во тотален шок.
-Можеби и ќе вриснев, но останав без глас. Првата помисла ми беше: дали е ова мојот крај? Уште колку имам? Потоа се сетив колку многу жени има што ги познавам и кои излегле како победници. Ми поминуваа разни мисли, но, за среќа, тоа траеше кратко.
Само зедов здив и ја прашав мојата пријателка, доктор Вики: Што прво треба да се направи? Од каде да почнам? Се фокусирав на патот што ме очекуваше и се трудев да размислувам позитивно. Среќна сум што имам неколку добри, вистински пријатели кои ми се како семејство, кои беа покрај мене и ми го олеснија патот. Бескрајно сум им благодарна!, вели таа меѓудругото во интервјуто за „Убавина и здравје„.
ПОВРЗАНИ ВЕСТИ
Фото: Фејсбук/Филиповска