Нашиот интернационален модел Ивана Манас синоќа имаше модна ревија за познатиот моден дизајнер Philipp Plein откако работеше на повеќе ревии во склоп на Миланската модна недела.
„Ова е нејзино прво појавување после две години откако беше заштитно лице на кампањата за двоецот Dolce & Gabbana, Ивана конечно го направи својот камбек со неколку фантастични ревии на Миланската модна недела.
Претходно ги изработи ревиите за исто така одличните модни куќи и дизајнери Anna Kiki и Aniye Records. Убавата и оригинална Манас е веќе неколку години во интернационалниот моделинг, а својот пробив го имаше кога беше дел од ревиите на Rick Owens и Dolce & Gabbana. Нејзините модни успеси ги доживуваме и како лични наши,“ велат од нејзината матична агенција Моделс Ин Менаџмент.