Светски туристичкиот блогер Роберт Дацешин, кој по потекло е од Босна и Херцеговина, го објави третото од четирите предвидени видеа за Македонија, кои ги снимаше за време на неговиот престој овде.
„Охрид е сосема сигурно еден од најубавите градови на Балканот, а ова е приказната за него. Охрид. Град кој сигурно добри десет години сакав да го посетам и за кој слушав толку убави работи.
Некако, секого кој бил во Охрид на прашањето „како ти се допадна“ ми одговараше во суперлативи, фалејќи ја историјата, храната, луѓето. Од сите тие приказни, да бидам искрен, и моите очекувања од градот беа прилично големи.
Очекувањата понекогаш се непријатна работа, бидејќи можеш и да се разочараш ако не биде така како што си замислувал. Она што можам да ви кажам после неколку дена додека бев овде, е толку се воодушевив од она што го видов што Охрид го сврстувам во редот на најубавите градови кои во животот сум ги посетил,“ вели Дацешин во описот за Охрид.
ПОВРЗАНИ ВЕСТИ
Скопје-најнеобичниот град на Балканот, вели во новото видео светскиот туристички блогер Дацешин
(Видео) „Баравме змии, ама немаше,“ светскиот туристички блогер Дацешин со репортажа од Голем град
Фото: Дацешин/Инстаграм