Седницата за избор на техничката влада во македонското Собрание почнува утре во 11 часот, а истата треба да се изгласа најдоцна до полноќ.
Од Собранието информираа дека мандатарот Талат Џафери ги доставил Програмата и Предлог – составот на техничката Влада, која ќе има мандат од 100 дена.
Како што стои во програмата, приоритет на оваа Влада ќе бидат успешно организирање на слободи, фер и демократски избори на 24. април и 8. мај, продолжување на сите процеси кои произлегуваат од започнатите пристапни преговори со ЕУ и забрзаната европска интеграција, раст и развој на економијата, пораст на животниот стандард преку зголемување на минималната и просечната плата и пензиите во 2024 година, намалување на инфлацијата, и одржување на ценовната стабилност и на вработеноста, директна поддршка на граѓаните и компаниите во 2024 година, владеење на правото, борбата против криминалот и корупцијата, целосен ред и поредок на државата, продолжување на реформските процеси на сите државни нивоа….
ПОВРЗАНИ ВЕСТИ
Кој е Панче Тошковски, кандидатот на ВМРО-ДПМНЕ за министер за внатрешни работи во техничката влада
Кои се кандидатите за заменици министри на ВМРО-ДПМНЕ во техничката влада