Убиецот на штипјанката Емилија Пешева, Фадил Зејнелов на денешното судско рочиште во Основниот суд во Штип, го призна делото, а јавната обвинителка Билјана Тошева-Анакиева побара доживотен затвор, бидејќи обвинетиот не изразил каење и не изразил сочувство на семејството на убиената.
Зејнелов, неговата партнерка ја давел, ја оставил да умре и заминал да игра комар.
„Тој не се кае, измислува, тој е ладнокрвен убиец, вистината е дека ја давел, ја оставил да умре и заминал да игра комар. Ја користеше и ги коцкаше парите. Ни остави дете сираче, не оди на школо, си ја бара мајката, не може да се навикне без неа, знае дека е убиена“, изјави Слободан Пешев, татко на убиената Емилија.
Пред убиството имало кавга помеѓу Пешева и Зејнелов, бидејќи таа сакала да ја прекине врската.
За нарушените односи помеѓу нив знаеле и полицијата, Обвинителството и Центарот за социјални работи. Кај нив имало пријави дека Пешева е жртва на насилство. Но, се откажувала од гонење, поради стравот од ново насилство.
ПОВРЗАНИ ВЕСТИ
Убиената 29-годишна жена од Штип била удирана со тупаници, па задавена: Детали од Обвинителство
Фото: Unsplash