Поранешниот медицински директор на Клиниката за онкологија, Нино Васев и поранешниот организациски директор на Клиниката, Нехат Нухи, добија куќен притвор, откако вчера Основното јавно обвинителство (ОЈО) Скопје информираше дека се подигнати две обвиненија за случајот познат како „Онкологија“, во кој тие беа осомничени, а сега се обвинети.
ПОВРЗАНИ ВЕСТИ
Обвинение за поранешните директори Нино Васев и Нехат Нухи за случајот „Онкологија“: Сите детали
-Против обвинетите Н.В. и Н.Н се определува мерка куќен притвор, а воедно останува во сила претходно определената мерка за претпазливост – одземање на патна исправа и забрана за издавање нова, заради постоење на околностите од чл. 165 ст. 1 т. 1 од ЗКП односно Опасност од бегство, информираа од Судот.
Против овие решенија тие имаат право на жалба пред Апелациониот суд Скопје.
ПОВРЗАНИ ВЕСТИ
Каков имот пријавил поранешниот директор Нино Васев, кој е обвинет за случајот „Онкологија“