Јавното обвинителство за гонење на кривични дела поврзани и кои произлегуваат од содржината на незаконското следење на комуникациите денес до Основниот суд Скопје 1 – Скопје поднесе два обвинителни акти како резултат на спроведената истражна постапка во предметот познат во јавноста како „Талир“, соопштуваат од СЈО.
„Од причини на целисходност, ова Јавно обвинителство ја раздвои постапката во предметот „Талир“, од кои причини поднесени се две обвиненија. Едниот обвинителен акт се однесува на незаконско финансирање на правното лице – политичка партија ВМРО-ДПМНЕ, а вториот обвинителен акт се однесува на незаконската изградба на седиштето на политичката партија ВМРО-ДПМНЕ.
Потенцираме дека со воспоставувањето на надлежност врз предметот преземен од Основно јавно обвинителство Скопје ова Јавно обвинителство, согласно член 5 од Законот за Јавното обвинителство за гонење на кривични дела поврзани и кои произлегуваат од содржината на незаконското следење на комуникациите, е овластено за поведување и застапување на предметните обвиненија“, се вели во соопштението.
ПОВРЗАНИ ВЕСТИ
СЈО: Груевски и Божиновски му овозможиле на „Бетон“ бесправно да го изгради седиштето на партијата