30 дена притвор за директорката на ЈП “Комуналец“ Гостивар и двајцата раководители

Основниот суд Гостивар го одобри барањето на Основното јавно обвинителство Гостивар и им одреди по 30 денови притвор на Артана Асани, в.д. директорката на јавното претпријатие за комунална дејност ЈП “Комуналец“ Гостивар и двајцата раководители – В.Д., шеф на „Водовод и канализација“ и Л.Н., техничкиот директор на ЈП „Комуналец“.

ПОВРЗАНИ ВЕСТИ

Која е Артана Асани, директорката на ЈП „Комуналец“ – Гостивар, која ќе одговара за тешки дела против животната средина и природата

Во притвор одат поради можност за бегство, влијание врз сведоци, како и поради тоа што се работи за кривично дело за кое е запретена кривична санкција од најмалку четири години

Тие се товарат за епидемијата со труење во Општина Гостивар, предизвикана од градската вода за пиење и за нелегално поставување на пумпи во одводен канал, по што дошло до мешање на водата, а се осомничени за “тешки дела против животната средина и природата, предизвикани со дејствија на загадување на вода за пиење“.

Мерката притвор ќе ја издржуваат во КПУ Затвор Скопје – Скопје.

ПОВРЗАНИ ВЕСТИ

Колку загадена вода пиеја гостиварчани три недели

ЈП „Комуналец“ Гостивар на диво направил приклучок во близина на главниот цевковод, утврди Инспекторатот за животна средина

Две пумпи три недели внесувале загадена вода во гостиварскиот водовод: Директорката на „Комуналец“ и двајца раководители ќе одговараат за тешки дела против животната средина и природата

Фото: Унсплеш