Македонските јутјубери Марко Марковиќ или GP и Стефан Рашковиќ или Steffonator за неколку часа успеаа да продадат илјада примероци од нивната прва книга „Нашиот пат“ (што многу ретко се случува кај нас кога е во прашање книга) на вчерашната промоција во Македонскиот културен центар (МКЦ).
Кои се Марко и Стефан?
Поимот јутјубери е непознат за постарите генерации. Станува збор за лица кои прават видеа, коментираат нечии други видеа и сл. на каналот You tube.
Во случајот на Марко и Стефан станува збор за правење на сопствени видеа – едукативни, смешни, забавни…, стримуваат видео игри…
Тие не се популарни кај новите генерации само на You tube, туку и на социјалните мрежи каде имаат илјадници следачи, а нивните видеа се едни од најгледаните.
Марко Марковиќ и стана познат на македонската јавност пред неколку години кога како ученик во втора година во скопската гимназија „Раде Јовчевски Корчагин“ ја претставуваше Македонија на Светскиот натпревар за Мајкрософт офис специјалист што се одржа во САД.
Стефан Рашковиќ е студент на мултимедија и дизајн.
Тој стана препознатлив и по серијалот „90 Секунди“, во кој гостуваат македонски ѕвезди, во кој тој им поставува прашања, кои како што вели самиот, никој не им ги поставува.
ПОВРЗАНИ ВЕСТИ
Фото/видео: GP/Steffonator