Државните компании во Македонија од секогаш се користеле како дом за вработување партиски кадри, а последниот случај со вработување на роднини и блиски лица на партиски функционери во ЕЛЕМ само го актуелизира овој проблем и покажува дека и актуелната власт продолжува со лошата практика од минатото.
Најдобар показател за тоа е што според официјалните податоци на компанијата бројот на вработени во периодот од 2009 до почетокот на 2018 година се зголемил за точно 982 лица.
Во АД ЕЛЕМ на почетокот на 2018 година има 4.791 вработен, од кои во: подружница ХЕС „Маврово“ – Гостивар 330, подружница ХЕС „Црн Дрим“ – Струга 218, подружница ХЕЦ „Тиквеш“ – Кавадарци 90, подружница ХЕС „Треска“ – Скопје 99, подружница РЕК „Битола“ – Новаци 2.748, подружница РЕК „Осломеј“ – Осломеј 976, подружница „Енергетика“ – Скопје 145 и Дирекција – Скопје 185.
На 31.12.2009 година во компанијата имало 3.809 работници, од кои во подружниците РЕК „Битола“ – Новаци 2.185, РЕК „Осломеј“ – Осломеј 647, Хец „Маврово“ – Гостивар 342, ХЕЦ „Глобочица“ – Струга 107, ХЕЦ „Шпилје“ – Дебар 71, ХЕЦ „Тиквеш“ – Кавадарци 82, ХЕЦ „Треска“ – Скопје 102, „Енергетика“ – Скопје 138 и во Дирекција 135 работници.
ПОВРЗАНИ ВЕСТИ
„Кучето на Мира Дизел вработено во гранична полиција“: Твитер „експлодира„
А1он: По синот, во РЕК Битола вработен и братот на пратеничката на СДСМ, Мира Стојчевска
„Која мајка изгубила син… у МЕПСО и ЕЛЕМ ќе си ги најде“: Твитер „прегреа„
Каков имот пријавила пратеничката на СДСМ, Мира Стојчевска