Офанзивни операции на пешадиската баталјонска група на Армијата, заедно со припадниците на Националната гарда на Пенсилванија од САД, воздухоплови на Армијата, како и воздухопловот Б-52 на вооружените сили на САД, можеа да се видат на денешниот Ден за високи гости на вежбата „Одлучен удар“ која вклучува над 2.700 припадници на армиите на Република Северна Македонија, САД, Албанија, Бугарија, Црна Гора и Литванија, а се реализира до 9 јули на полигонот „Криволак“.
На Денот за високи гости на полигонот „Криволак“ присуствуваа премиерот Зоран Заев, министерката за одбрана и вицепремиерка, Радмила Шекеринска, претседателот Стево Пендаровски, вицепремиерот Бујар Османи, министрите Оливер Спасовски, Драган Тевдовски и Љупчо Николовски, заменикот министер Андреј Жерновски, високи воени и цивилни претставници на вооружените сили и министерствата за одбрана на Северна Македонија, САД, Бугарија, Албанија, Грција и НАТО, како и амбасадори и одбранбени аташеи акредитирани во земјава.
ПОВРЗАНИ ВЕСТИ
(ВИДЕО) На Криволак започна најголемата воена вежба во историјата на Македонија, „Одлучен удар“
Фото/видео: Министерство за одбрана