По скандалот со синот на Собранието, Талат Џафери, Барлет Џафери, за кој од Антикорупциската комисија посочија дека положил правосуден испит пред да дипломира, од Комисијата најавија проверка за тоа кои актуелни судии и јавни обвинители стигнале до тие функции со прекршување на законот, односно со предвремено полагање на правосуден испит.
Претседателката на Државната комисија за спречување корупција, Билјана Ивановска рече дека истрагата, која ќе биде продолжение на таа за синот на Џафери, ќе значи проверка на сите кандидати кои биле во Академијата за судии и јавни обвинители од нејзиното формирање до денеска, со цел да утврдат дали некои од нив предвреме полагале правосуден испит или не.
Истрагата ќе се спроведе и на сите универзитети за да се види колку универзитети како Штуловиот Универзитет во Тетово издале уверенија со кои поинаку го толкуваат фактот – дипломиран правник со што овозможиле некој предвреме да полага правосуден испит.
Ќе биде ангажиран и Просветниот инспекторат, кој ќе прави проверка и на сите други правни факултети во земјава за периодот од 2008 до 2012 година, период за кој е веќе направена проверка за Штуловиот Универзитет.
ПОВРЗАНИ ВЕСТИ
Спорни биле само 200, а не над 400 уверенија од Штуловиот универзитет: Беџети контра Антикорупциска
Фото: МИА