Продолжените неработни денови за Велигден, граѓаните ги искористија за патувања во Грција, Италија, Истанбул и Крф, вели за еМагазин Елизабета Кочева Јосифовска од Атлантик груп.
„Најголема хит дестинација за Велигден е Крф, заради традицијата за овој празник кој што островот ја има, потоа Италија, Истанбул.
Но многу од граѓаните одат и на своја рака, кога е во прашање Грција бараат само понуда за хотел.
Италија е интересна за секој празник и има автобуски и авионски програми, така што се беше полно,“ вели Кочева Јосифовска.
Јуни е веќе полн за Грција
Таа додава дека раната резервација за Грција започнала уште во ноември, граѓаните ги искористиле попустите и јуни е веќе полн.
„Ние сме агенција која има најголем закуп за Грција, четири чартер програми Тунис, Хургада, Анталија и новата дестинација Кипар за која очекуваме доста интерес и полн авион, а чартерите стартуваат на 20 јуни,“ додава Кочева Јосифовска.
Цените за аранжманите се поскапени па така ако еден аранжман пред неколку години се продавал за 399 евра, сега истиот не е без 600 евра.
„Кризата ги погоди сите, па така и нашиот сектор. Но граѓаните сакаат да патуваат, бидејќи видоа што значи кога за време на ковид-кризата бевме затворени и затоа слободните денови ги користат да патуваат,“ вели Кочева Јосифовска.
ПОВРЗАНИ ВЕСТИ
Кипар е нова хит дестинација за летово: Чартер летови Скопје-Ларнака