Ел Чека продолжува со објавување „бомби“, а последна во низата е нелегална аудио снимка со телефонски разговор меѓу министерката за одбрана и вицепремиерка, Радмила Шекеринска од СДСМ и поранешниот вицепремиер за евроинтеграции, Фатмир Бесими од ДУИ.
Станува збор за снимка од разговор во 2013 година за време на локалните избори. Во него се слуша како женскиот глас бара од соговорникот нивниот човек во Државната изборна комисија (ДИК), Субхи Јакупи, како што вели: „принципиелно да гласа по однос на изборната победа на опозицијата во Центар и Куманово, за изборниот процес да не добие црвен картон“.
Женскиот глас вели дека одлучувачки е гласот на Јакупи, и доколку има прегласување секаде каде што во прв круг победува опозицијата, тоа ќе го загрози извештајот за Македонија и ќе донесе нова политичка криза, затоа што потоа како што вели прашање на време ќе биде кога ќе го напуштат Парламентот.
ПОВРЗАНИ ВЕСТИ
Шекеринска на „Фексбук“: „Бомбава” само потврди колку не сме исти