Министерство за здравство на Австрија нема да ги признае руската „Спутник“ и кинеската „Синофарм“ во ковид-пасошот, кој ќе биде потребен за влез во таа држава.
Австрија ги признава само вакцините одобрени од Европската агенција за лекови (ЕМА), односно „Фајзер“, „АстраЗенека“, „Џонсон&Џонсон“.
Исто така, австриските државјани кои биле вакцинирани во странство со овие вакцини ќе мора да бидат тестирани пред да ги користат „слободите“ што ќе се појават со олеснување на мерките од 19 мај, соопшти Министерството.
„Зелениот пасош“, Австрија го воведува и како „билет“ за угостителски објекти, базени и хотели.
Исто така, Министерството не советува лица вакцинирани со руски или кинески вакцини да бидат повторно вакцинирани во Австрија со друга вакцина.
Фото: Photo by Lukas on Unsplash