Претседателот на Движење Беса, Биљал Касами денеска изјава дека се неопходни предвремени парламентарни избори и оти неговата партија ќе ја блокира работата на Собранието.
Тој образложи дека Владата нема кредибилитет да продолжи понатаму да ја раководи државата.
– Сигурно со тие капацитети што ги има Беса во случајот со двајцата пратеници во Собранието, ние ќе делуваме да имаме активна блокада затоа што цениме дека после неуспехот да се добие датум оваа Влада нема ни најмалку кредибилитет да продолжи понатаму.
После сите овие кризи со кои се соочуваме и со нерешеното одлучување и постапување на оваа Влада, цениме дека веќе го нема легитимитетот и затоа ни се потребни предвремени избори, одговори Касами на новинарско прашање на денешната прес-конференција.
На новинарско прашање дали ќе го земат предвид образложението на Владата дека во време на криза поради војната во Украина не треба вака да се делува, тој порача дека нема да ја послуша извршната власт.
– Ако се слуша оваа власт поради кризата треба да им го продолжиме мандатот до бескрај. Изборите се неопходни, рече Касами.
ПОВРЗАНИ ВЕСТИ
Блокадата на Собранието e неодговорно однесување што не носи добро никому, вели Ковачевски
МИА/Фото: Фејсбук/Касами