Денешната посета на eврокомесарот за проширување на ЕУ, Оливер Вархеји на Македонија, помина без изјави и соопштение од Владата за неговата средба со премиерот Зоран Заев.
За средбата Заев и Вархеји единствено информираа на социјалните мрежи.
Денеска во Скопје имав средба со еврокомесарот @OliverVarhelyi, со кого отворено разговараме на неколку теми како што е Економскиот инвестициски план, кој е навистина силен позитивен импулс за нас, до конкретни проекти кои ќе бидат објавени до крајот на годината. pic.twitter.com/x6fHC0XSI8
— Зоран Заев (@Zoran_Zaev) September 29, 2021
„Денеска во Скопје имав средба со еврокомесарот Оливер Вархеји со кого отворено разговараме на неколку теми како што е Економскиот инвестициски план, кој е навистина силен позитивен импулс за нас, до конкретни проекти кои ќе бидат објавени до крајот на годината.
Една од темите за разговор ни беа и подготовките кои ни претходат за претстојниот Самит за Западен Балкан во Словенија следната недела каде ќе имаме одличен простор за заедничка дискусија. Европскиот пат е важен за двете страни, и за и за и посветени сме на тој процес“, напиша Заев на Твитер.
Твитна и Вархеји.
„Среќен сум повторно да го посетам Скопје за сеопфатни разговори со премиерот Зоран Заев. Се согласивме брзо да почнеме да ги спроведеме првите најважни проекти од Економскиот и инвестициски план за Западен Балкан, со цел да го поттикнеме економскиот развој во Северна Македонија и регионот во ЕУ.
Happy to be back to #Skopje for a comprehensive discussion w PM @Zoran_Zaev. We agreed to quickly start implementing the first flagship projects from Economic & Investment Plan for #WesternBalkans to boost economic development&convergence of #NorthMacedonia and the region w #EU. pic.twitter.com/VsXmkATbbk
— Oliver Varhelyi (@OliverVarhelyi) September 29, 2021
Со нетрпение го очекуваме Самитот ЕУ-Западен Балкан идната седмица во Словенија. Западен Балкан е клучен приоритет за Европската комисија, иднината на регионот е во ЕУ. Разговаравме како да го придвижиме напред процесот на проширување преку отворање преговори за членство со Северна Македонија и со Албанија“, напиша Вархеји на Твитер.
Пред да дојде во земјава, Вархеји беше во посета на Бугарија.
ПОВРЗАНИ ВЕСТИ
ЕУОбсервер: Доведен во прашање слободниот визен режим на Западен Балкан со ЕУ
Ројтерс: ЕУ веќе не е усогласена за гаранциите за членство на шесте земји од Западен Балкан
Фото: Вархеји/Твитер