Од Комисијата за заштита на конкуренцијата (КЗК) информираат за известување за концентрација со која „Тхор индустриес“ ДООЕЛ Скопје и и албанската „Пе-вла-ку“ ќе стекнат заедничка контрола над “Соравиа инвест“ ДООЕЛ Скопје и над “Соравиа менаџмент“ ДООЕЛ Скопје.
-На ден 09.06.2023 година до Комисијата за заштита на конкуренцијата е доствено известување за концентрација со која Друштво за производство, трговија и услуги „Тхор индустриес“ и „Пе-вла-ку“ ќе стекнат заедничка контрола над Друштвото за градежништво и услуги “Соравиа ивест“ и над Друштвото за градежништво и услуги “Соравиа менаџмент“, велат од КХЗ.
Според информациите кои ги споделува КХЗ, „Тхор индустриес“ е друштво основано во 2020 година.
Основната дејност на компанијата е развој на градежни проекти.
Има подружница – Тхор ИТ системс Скопје, која врши компјутерско консултантски дејности.
„Пе-вла-ку“, според КХЗ е една од најголемите градежни компании во Албанија и Косово, основана во 2005 година.
-Во своето постоење, а особено во последните години, „Пе-вла-ку“ има планирано и успешно реализирано десетици градежни проекти. „Пе-вла-ку“ има направено успешни чекори во слободната пазарна економија и со своите проекти беше дел од развојот на двете земји. Со искуство од над 14 години, нивната работа, работење и делување се проширува и тие се присутни во многу зони на Албанија и Косово.
Во Македонија, „Пе-вла-ку“ има присуство преку својата подружница “Певла-КУ“, Тирана, Албанија, велат од КХЗ.
“Соравиа инвест“ е друштво со ограничена одговорност основано во 2006 година, со регистрирана дејност – издавање и управување со сопствен недвижен имот или недвижен имот земен под закуп (лизинг).
Таа е сопственик на Бизнис центарот “Соравиа“ во Скопје.
“Соравиа менаџмент“ е друштво со ограничена одговорност основано во 2006 година, со регистрирана дејност – управување со недвижен имот со хонорар или врз база на договор и дејствува како давател на услуги за управување на Бизнис центарот “Соравиа“.
-Врз основа на прелиминарното испитување Комисијата утврди дека предметната концентрација може да потпадне под одредбите на Законот за заштита на конкуренцијата. Сепак конечната одлука по ова прашање е резервирана.
Комисијата ги повикува заинтересираните трети страни да достават забелешки и мислења за оваа концентрација до Комисијата, велат од Комисијата.
Фото: Фејсбук/Соравиа