еМагазин
Image default
Македонија

Божиновски: Не можам во притвор, треба да се грижам за двете деца

Поранешниот генерален секретар на Владата, Кирил Божиновски на денешната јавна седница во Апелацискиот суд побара да му биде укинат притворот за случајот „Титаник“ на СЈО, бидејќи како што рече неговата сопруга е со нарушено здравје и треба да се грижи за двете деца.

Божиновски пред судиите посочи дека нема намера да бега, а како доказ за тоа го посочи тоа што 17 месеци ги почитува мерките на претпазливост определени од судот.

Во своето обраќање пред судот, Божиновски најостро го осуди бегството на Никола Груевски и рече дека со тоа е предизвикана непроценлива штета по сите процеси во државата, но и дека секој си носи последици за своите постапки.

Обвинителката од СЈО Лиле Стефанова, рече дека останува на писмено поднесениот предлог да бидат одбиени жалбите на одбраната како неосновани, а решението за притвор да биде потврдено во целост како законито.

Апелацискиот суд има  рок од 48 часа да донесе одлука по жалбите за мерката притвор.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

По скринингот за корона вирусот, негативни сите 58 тестови на вработените во градинката во Делчево

Редакција

Сведок за насилствата во Собранието: Пратеници зборуваа дека единствен начин за решавање на ситуацијата е да се отворат вратите на Собранието

Редакција

Кој и каде ќе може да се тестира: Од денеска 14 пунктови за тестирање за коронавирус

Редакција