На територија на СВР Битола денеска и утре ќе бидат преземени посебни мерки за безбедно и непречено одвивање на сообраќајот поради денешната посета на бугарската потпретседателка Илијана Јотова и утрешната посета на претседателот Стево Пендаровски и премиерот Димитар Ковачевски по повод одбележувањето на годишнината од постоењето на РЕК „Битола“.
– Од тие причини, СВР Битола на територија на Битола и околината на 04.11 и 05.11 ќе преземе мерки за посебен режим на сообраќај, при што до сите граѓани учесници во сообраќајот апелираме да се почитуваат наредбите кои ќе ги даваат униформираните полициски службеници и да ги почитуваат сообраќајните правила и прописи, како и сообраќајната регулатива за променетиот режим на сообраќај со цел безбедно и непречено одвивање на сообраќајот, се наведува во соопштението од СВР Битола.
Јотова доаѓа во Битола, во приватна посета, на денот кога градот го обележува денот на ослободувањето од германско-бугарската фашистичка окупација.
Јотова беше во Битола и на отварањето на бугарскиот клуб “Ванчо Михајлов“, кој носи име на соработник на фашистите и порача дека немало Македонци во Бугарија.
ПОВРЗАНИ ВЕСТИ
Македонците од Бугарија со порака до Јотова: Денеска требаше да дојдете во Мелник, за да не видиш
Фото: Јотова/Фејсбук