Цената на горивата ќе се зголеми за околу 10 денари, доколку Владата не ја продолжи антикризната мерка за намалување на стапката на ДДВ од 18 на 10 отсто при промет на енергенсите: дизел, безоловен бензин, гасно масло, течен нафтен гас (ТНГ) и метан, како и од мерката за намалување на акцизата врз основа на берзанските цени.
На прашање на еМагазин, од Макпетрол велат дека се уште компанијата нема добиено никаква информација за тоа дали оваа антикризна мерка ќе се продолжи, што во спротивно, би значело зголемување на цената над 100 денари, независно од светската цена на нафтата.
Владата кога ја донесе оваа мерка, информираше дека „со намалувањето на акцизите се заштитува куповната моќ на потрошувачите со директно влијание врз малопродажната цена на овие енергенси, и тоа за околу 1,2 денари, односно 2,3 денари, односно 4,7 денари, вклучувајќи го и ефектот од намален износ на ДДВ за износот на намалена акциза“.
Во однос на енергетската криза, од Макпетрол информираат дека за зима, неизвесно ќе биде снабдувањето со гас, а со горивата, не се очекуваат проблеми.
ПОВРЗАНИ ВЕСТИ
Неизвесно каква зима не очекува на полето на енергетиката, вели Бислимоски