Скопската општина Чаир има најмногу активни случаи на Ковид-19 не само во рамките на Град Скопје, туку и на национално ниво.
Според податоци на Министерството за здравство, заклучно вчера, во Чаир има 302 активни случаи, што е повеќе од бројот во градските општини со најголем број на активни случаи во Македонија, кои во вкупната бројка опфаќаат и случаи и од неколку рурални општини.
Па така, Чаир има повеќе активни случаи од Тетово (второ место), каде има 261, од Куманово (трето место), каде има 207, и од Штип (четврто место), каде има 202 активни случаи.
Скопски општини кои имаат над 100 активни случаи на Ковид-19 се: Аеродром – 118, Бутел – 110, Гази Баба – 104 и Центар – 105.
Во Скопје вчера беа регистрирани дури 97 нови случаи на заразени со Ковид-19.
Заклучно вчерашните податоци, во Скопје има вкупно 1.995 случаи на заразени со Ковид-19, од кои активни се 1.323.
ПОВРЗАНИ ВЕСТИ
Пациентите со корона вирусот ќе можат да се лекуваат и во приватни болници
Двајца здравствени работници од Инфективната клиника и 36 од ГОБ „8 Септември“ заразени со Ковид-19
Фото: Град Скопје