еМагазин
Image default
Македонија

Денеска пресуда за 17 лица за „27 април“

Во Кривичниот суд во Скопје денеска ќе биде објавена пресудата за 17-те преостанати, од првично 33 обвинети за насилствата во Собранието на 27. април 2017 година, познат во јавноста како „27 април“.

Случајот го води судијката Добрила Кацарска, а застапник на обвинението е Вилма Русковска.

Судскиот процес почна во август минатата година и е еден од најголемите во поновата македонска историја. На почетокот процесот почна против 33 обвинети, кои беа извршители на упадот во парламентот и на нападите врз пратениците на актуелната власт.

Но, по донесувањето на Законот за амнестија помилувани беа 15 лица.

На обвинителна клупа останаа Митко Чавков, Душко Лазаров, Горан Ѓошевски-Леви, Митко Пешов, Оливер Поповски, Мунир Пепиќ, Абдуљфета Алими, Оливер Радулов, Игор Дурловски, Јане Ченто, Игор Југ, Александар Василевски-Нинџа, Никола Митревски-Кољо, Младен Додевски, Горанче Ангеловски, Влатко Трајковски и Вилијам Михајловски, кои се товарат дека сториле кривично дело терористичко загрозување на уставниот поредок.

Чавков на денешното рочиште ќе биде спроведен од затворот „Скопје“, каде се наоѓа поради одредената мерка притвор поради страв од бегство.

Основното јавно обвинителство на 12 овој месец, по добиени сознанија и поради страв дека поранешниот директор на Бирото за јавна безбедност Митко Чавков ќе се даде во бегство и ќе се крие со цел да ја избегне кривичната одговорност, побара од Основниот суд Скопје 1 – Скопје да му биде определена мерка притвор.

На извршителите во овој процес јавното обвинителство им придодаде и петмина организатори на настаните од 27 април: Никола Груевски, Трајко Вељаноски, Миле Јанакиески, Спиро Ристовски и Никола Бошковски, кои се товарат дека сториле кривично дело „терористичко загрозување на уставниот поредок и безбедноста“.

МИА

ПОВРЗАНИ ВЕСТИ

Груевски за притворот на Чавков: Заев му се одмаздува за „Поткуп“

Ќерката на Чавков: Ќе си лежи оној што ја измисли вилата на Халкидики

(Фото) Решението за притвор на Чавков откри дека има вила на Халкидики?

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Преброени над 80 проценти од гласовите: Пендаровски 42,59 отсто, Силјановска 41,60 и Река 11,57

Редакција

Јанакиески и Пешевски на суд: Продолжува судењето за „Траекторија“ на СЈО

Редакција

Кој е Владимир Атанасовски, поранешниот директор на УБК кој заврши во притвор

Редакција