Македонија е можеби единствена земја во светот во која меѓу главните вести е онаа дека вицепремиерот за спроведување на рамковниот договор Хазби Лика почнал да доаѓа на работа.
Да беше вест во филм од жанрот комедија или виц можеби ќе беше нормално, но станува збор за сурова реалност која воопшто не треба да биде предмет на шега, туку на сериозна анализа.
Како е можно Владата да дозволи вицепремиер кој зема плата од граѓаните да дозволи толку долго да не доаѓа на работа? Дали му била намалена плата за тој период? Дали користел боледување? Кој ги исполнувал неговите обврски додека тој не доаѓал на работа?
Ова се само дел од прашањата на кои Владата, а пред се премиерот Зоран Заев треба да дадат одговори, бидејќи во спротивно даваат лош пример и само ги потврдуваат тврдењата дека одредени лица во државната администрација слободно можат да си седат дома и за тоа време да земаат плата од буџетот, во кој патем секоја година издатоците за плати во администрацијата стануваат се поголеми.
ПОВРЗАНИ ВЕСТИ
Хазби Лика доаѓа на работа, не е редовен на седници на Владата
Вицепремиерот Хазби Лика мераклија за кафеани и ресторани
Фото: Лика/Фејсбук