Додека не добијам официјална одлука од партијата, врз основа на статутот на партијата, дека сум исклучен, јас сум се уште член, потпретседател на партијата, пратеник и координатор на групата пратеници на Движењето БЕСА во Парламентот, изјави денеска пратеникот Кастриот Реџепи, одговарајќи на новинарски прашања на прес-конференција со Собранието.
Прашан дали би влегол во коалиција со Зоран Заев, Реџепи рече дека во моментов движењето БЕСА е во коалиција со Зоран Заев, со СДСМ, со ДУИ и со ДПА.
– Движењето БЕСА не е излезено од Владата, бидејќи нема одлука. Ниту се влегува во Влада, ниту се излегува со изјава, прес или Фејсбук статус. Јас сум потпретседател на БЕСА и знам кој е органот што одлучува.
Исклучување на коалиции врши Централниот одбор, кога ќе реши Централниот одбор дека Движењето БЕСА не е дел од мнозинството, тогаш и јас како член на БЕСА треба да размислам за да ја почитувам таа одлука.
Во моментот, органот што има мандат да решава е Централниот одбор, и движењето БЕСА е во владината коалиција, изјави Реџепи.
ПОВРЗАНИ ВЕСТИ
Реџепи ги пријавил пораките со закани и притисоци во институциите, добил и обезбедување
Реџепи: Мирен, со чиста совест самоволно се засолнив на денот на гласање доверба на Владата
МИА/Фото: Фејсбук/Реџепи