еМагазин
Image default
ЧИСТА ОКОЛИНА

Државниот инспекторат за животна средина го забрани работењето на компанијата што го загадуваше воздухот во Кочани

Државниот инспекторат за животна средина на 8 ноември донесе решение со кое се забранува работата на правниот субјект „Пејпар Мил“ од Кочани заради континуирано надминување на граничните вредности за дозволени емисии на загадувачки супстанци во отпадните гасови што излегувале од котларата на оваа компанија.

Решението за забрана е во рок од 30 дена, и во овој период од издавањето на решението за забрана за работа, од „Пејпар Мил“ се должни да ги отстранат недостатоците кои предизвикуваат загадување на воздухот со јаглероден моноксид над дозволените граници и за тоа да го известат Државниот инспекторат за животна средина.

„Доколку во предвидениот рок не се постапи според упатствата од решението на Државниот инспекторат за животна средина за забрана за работење, против правното лице ќе биде поднесено барање за поведување прекршочна потапка и ќе продолжи забраната за работа.Државниот инспекторат за животна средина ова решение го донесе во согласност со своите надлежности и како резултат на засилените контроли што се вршат во овој период, како и врз основа на реакциите на граѓаните на Кочани кои укажаа дека оваа компанија влијае врз загадувањето на воздухот во градот“, информираат од Владата.

Фото: Општина Кочани

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Борко Ристовски за Макрадули и Шилегов: Срамота и брука!

Редакција

Загадувањето од печката во „Дрисла“ не ги надминува просечните вредности

Редакција

Јавно обвинителство: Нема докази дека „Дрисла“ го загадува воздухот со незаконско согорување отпад

Редакција