ДУИ станува „зелена партија“: Изненадувањето е тоа што ќе се грижеле за животната средина

На денот на 19. роденден на Демократската унија за интеграција, претседателот Али Ахмети соопшти дека зелената агенда станува дел од нивната партија на локалните избори.

– На 19. роденден на ДУИ започнуваме нова политика и директно дејствување, политика за еколошка правда и квалитетен живот. Зелената агенда станува дел од ДУИ, рече Ахмети.

Во неговиот говор, Ахмети спомена и неколку проекти и активности кои, според него, ДУИ ги има реализирано во текот на неговото постоење.

– Воспоставивме еднаквост преку целосна имплементација на Охридскиот мировен договор, легализација на високото образование на албански јазик, децентрализација, национални симболи и култура, албански јазик, правична и соодветна застапеност, интеграција во НАТО, добивањето зелено светло за членство во ЕУ, заедно со многу други предности на нашите граѓани, рече тој.

ПОВРЗАНИ ВЕСТИ

„Ахмети во сабота ќе каже дека гробот на Александар Македонски е во Зајас“: Твитер реакции за „изненадувањето“ на ДУИ

МИА/Фото: Фејсбук/Ахмети