Вкупно 42,7% од граѓаните, водејќи се од она што до сега го чуле или виделе, сметаат дека корона вирусот (Ковид-19) е излезен од лабораторија со намера, од нив 6% сметаат дека вирусот е излезен од лабораторија, но по грешка, покажува истражувањето на МЦМС и М-проспект.
Понатаму, 22,6 % од граѓаните не знаат како се појавил вирусот, 19% сметаат дека вирусот е природно појавен, а 10,3% сметаат дека вирусот не ни постои.
За мал дел од граѓаните појавата на вирусот е поврзана со воспоставување на 5Г мрежи во светот (4,9%).
Врз одговорите на ова прашање влијание имала етничката припадност на испитаниците. Па така, 41,8% од етничките Македонци (16,9 процентни поени повеќе од етничките Албанци), сметаат дека корона вирусот е направен во лабораторија.
За разлика од нив, 24,9% од етничките Албанци сметаат дека вирусот не ни постои (19,2 процентни поени повеќе од етничките Македонци).
ПОВРЗАНИ ВЕСТИ
Истражување: Македонците позагрижени за корона вирусот отколку Албанците
Еден од новопочинатите од корона вирусот немал контакт со потврден случај