Душко Тодевски назначен за стечаен управник на „Еуростандард банка“, прво рочиште на 8 октомври

Стечајната постапка над должникот „Еуростандард банка“ АД Скопје ќе ја води стечајниот управник Душко Тодевски од Скопје, а првото рочиште за испитување и утврдување на пријавените побарувања е закажано за 8 октомври годинава, информираат денеска од Основниот граѓански суд Скопје.

„Поради поголемата заинтересирност на медиумите во врска со предметот СТ – 123/20, Ве известуваме дека со Решение СТ – 123/20 од 14.08.2020 година на овој суд е усвоен предлогот за отварање на стечајна постапка над должникот „Еуростандард банка“ АД Скопје и за стечаен управник е определен Душко Тодевски од Скопје.

По предметот СТ-123/20 е закажано рочиште за испитување и утврдување на пријавените побарувања и извештајно собрание на доверители на ден 08.10.2020 година, во 13 часот, во судница II, I кат“, се вели во соопштението од Основен граѓански суд Скопје.

ПОВРЗАНИ ВЕСТИ

Најголеми жртви на пропаста на Еуростандард банка се над 160 вработени коишто ќе останат на улица

Поранешниот директор на „Еуростандард банка“, Петкоски: Aкционерите треба да се преиспитаат колкава е нивната вина за пропаѓањето на банката

Богов: Гувернерката ја донесе единствената исправна одлука за „Еуростандард банка“

Промени во Надзорниот одбор на Еуростандард банка неколку месеци пред затворањето