Свечената церемонија на доделување на Оскарите ќе се пренесува на телевизија „Телма“ со почеток во 2 часот по полноќ.
Час и половина претходно, ѕвездите ќе поминат на црвениот килим пред театарот „Долби“, на кој се очекува и филмската екипа на „Медена земја“.
Овој документарен филм кој испраќа моќна порака, во време на предизвиците кои ги носат глобалното затоплување и климатските промени, постигна неверојатен глобален успех со освојување на бројни награди низ светски реномирани фестивали, пишувања за него од реномирани светски медиуми.
Филмот е номиниран во две категории за Оскар, најдобар странски и документарен филм, а тоа ја предизвика светската публика да видат, каде е државата од каде што доаѓа филмот. „Гугл“ објави дека Македонија е најбараната локација на земјината топка, кога станува збор за поврзаност со овие награди.
Во МКЦ вечерва ќе има организирано гледање на Оскарите.
Атиџе Муратова е Личност на годината на „еМагазин“ за 2019 година.
ПОВРЗАНИ ВЕСТИ
Сара Џесика Паркер за „Медена земја“: Никогаш нема да ја заборавам Атиџе
Пораката на Атиџе одекна во Скопје, следуваат азиска и официјална европска премиера