Федерацијата за планинарство денеска поднесе и официјална пријава до полицијата за демолирањето на кулата на Титов врв. Пријавата е поднесена во СВР Тетово каде е побарано да се најдат сторителите на оштетувањето и опожарување на кулата.
„Федерацијата за планинарство ја информира јавноста дека поднесе пријава до МВР-Сектор за внатрешни работи, Тетово, за оштетување и опожарување на кулата на Титов Врв.
Федерацијата остро го осудува вандалството и уништувањето на кулата на Титов Врв. Со оваа неодговорна постапка и оштетувањето на симболот на препознатливост на планинарството кај нас, само се загрозува безбедноста на посетителите,“ информираше претседателот на Федерацијата, Зоран Читкушев.
Федерацијата, како што најавија, ќе го санира објектот и зависно од временските услови тоа ќе се одвива етапно.
Членови на планинарскиот клуб „Аргентус Монт“ и претставник на Комисијата за планинарски домови при Федерацијата за планинарство во неделата беа на врвот за целосен увид и утврдија дека луѓе во голема мера ја демолирале внатрешноста, откако мината недела беше објавени дека се оштетени и откорнати прозорци.
Планинарите во таа акција привремено ги затвориле сите испокршени прозорци со плексан и дрвени даски со цел во Кулата да не навлегува снег во зимскиот период.
ПОВРЗАНИ ВЕСТИ
Фото: Аргентус Монт