еМагазин
Image default
Македонија ТОП СТОРИИ

Филипче до медиумите: Одговоривте професионално за време на кризата, имавте важна улога во нејзиното справување

Министерот за здравство Венко Филипче на денешниот Меѓународниот ден на слободата на медиумите, упати искрени честитки и огромна благодарност за влогот на медиумските работници во справување со борбата со Ковид-19.

„Од првиот ден кога, како земја, се соочивме со вирусот кој го промени животот на милиони луѓе ширум светот, бевме уверени дека само точна, навремена и транспарентна комуникација може да придонесе во сузбивање на стравот и паниката кај граѓаните и подигнување на јавната свест.

Паралелно со справување со пандемијата, светот се бори и со дезинформации и лажни вести, кои во вакви услови можат да бидат поопасни и од самата пандемија. Од друга страна, точните информации и известувањето базирано на факти се лек за човештвото и единствен начин да се добијат големите битки.

Во едно вака комплексно опкружување, вие медиумите и медиумските работници сте повеќе од спрега помеѓу институциите и јавноста. Вие сте партнер кој рамо до рамо со институциите имате важна улога во справување со кризата. Одговоривте професионално на предизвикот и покажавте дека сте на висина на задачата и за тоа сум ви искрено благодарен,“ вели Филипче до честитката.

Тој додаде дека отворени институции, слобода на медиумите, фер и транспарентно известување е кодекс кој треба да го следиме во криза, но и во мирнодобски услови.

„Само така потврдуваме дека сме посветени на демократските вредности и дека водиме грижа за еден од основните столбови на демократијата,“ додава тој.

ПОВРЗАНИ ВЕСТИ

СЕММ: Новинарството да биде ослободено од притисоци, а новинарите одговорни кон професијата

ССНМ и ЗНМ: Професионалното новинарство е јавно добро кое не смее да се ограничи

Во приватните лаборатории веќе неколку дена нема заинтересирани за тестирање за корона вирусот

Убава вест: Продолжува трендот на поголем број на излечени од активните случаи со корона вирусот

Фото: Влада

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Владата сè уште нема конечен став околу отворањето на границите и аеродромите

Редакција

(ВИДЕО) Лила не открива зошто веќе не е пријателка со Боки 13

Редакција

Можеме да собереме: На Луна ѝ недостасуваат 10.000 евра за операција

Редакција