Две лица загинаа, а тројца се тешко повредени во сообраќајна несреќа, која утрово се случи кај Росоман.
Ова се првичните информации што за МИА ги сподели доктор Ратко Грков, раководител на Службата за брза помош во Кавадарци.
ПОВРЗАНИ ВЕСТИ
Фотографии од сообраќајката кај Росоман, во која загинаа две лица
– Итната медицинска помош веднаш замина на лице место по дојавата за сообраќајка кај Росоман, со три екипи. Вклучени се и вработени што не беа на смена, ама беа спремни да помогнат во секој момент, изјави Грков.
Смртта кај двете лица била констатирана на лице место.
Според првичните информации, имало верижен судир на четири возила.
Од полицијата повеќе детали најавуваат за подоцна. На терен интервенира и Територијалната противпожарна единица на Кавадарци со две возила и шест пожарникари.
МИА/Фото: МИА/КТВ телевизија