еМагазин
Image default
Македонија

(Фото) И Филипче со Заев на Конгресот на СИРИЗА во Атина

Со говор на лидерот на партијата Алексис Ципрас, попладнево во Атина започна Третиот конгрес на СИРИЗА, на која како гости се присутни и поранешниот премиер Зоран Заев и поранешниот министер за здравство Венко Филипче, јави дописничката на МИА од Атина.

Заев и Филипче пред почетокот на Конгресот беа топло пречекани од поранешните министри од Владата на СИРИЗА, меѓу кои и поранешниот шеф на дипломатијата и архитект на Договорот од Преспа, Никос Коѕијас.

Поранешниот премиер и поранешниот министер го следеа обраќањето на лидерот на СИРИЗА со кое беше означен и почетокот на Конгресот, додека пак присутните во спортската сала, со аплаузи го проследија моментот кога Ципрас се поздрави со Заев.

Во следните денови, за време на Конгресот, што ќе трае до недела, според информациите на дописничката на МИА од Атина, поздравен говор ќе им и поранешниот премиер Зоран Заев.

Третиот конгрес на СИРИЗА е под мотото „Нов почеток за политича промена“.

МИА/Фото: МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Имаме мнозинство за гласање на новите министри од АА, вели кординаторот на пратеничката група

Редакција

Детален преглед: На инфективните одделенија во земјава се лекуваат 664 пациенти

Редакција

СЈО ги демантира „360 степени“: Нема наредби за „форензичко бришење“ податоци

Редакција