еМагазин
Image default
ТОП СТОРИИ Убава приказна

(Фото) Македонскиот јазик и култура роди љубов помеѓу Турчинка и Полјак

Вљубеноста во македонскиот јазик и македонската култура, Сила Екин од Турција и Миколај Зараѓи од Полска, од две различни страни на Европа ги доведе лани крај брегот на Охридското Езеро, на 55. Летна школа на Меѓународен семинар за македонски јазик, литература и култура (МСМЈЛК) при Универзитетот „Кирил и Методиј“ (УКИМ), на која учествуваа и уште шеесетина други семинаристи од различни страни на светот.

-Но, тие двајца почувствуваа и сфатија дека за нив, македонскиот јазик е јазикот на љубовта. И тука, крај Охридското Езеро, на македонски јазик, еден на друг си рекоа: Те сакам!

Пет месеци потоа, дури траеше Третата зимска школа на МСМЈЛК при УКИМ, еден на друг си ветија вечност на нивната љубов, споделија од МСМЈЛК при УКИМ на нивната Фејсбук страна.

Од таму им посакуваат на Сила и Миколај, љубовта еден кон друг и среќата во заедничкиот живот, секојдневно да им се распламтуваат.

-А заедно со нив и вашата заедничка љубов кон македонскиот јазик и македонската култура заради која тука, во срцето на Балканот ви се вкрстија патиштата и вашите срца започнаа забрзано да чукаат – срцето на Сила за Миколај, а срцето на Миколај за Сила, во ритамот на македонскиот 7/8 такт.

Ве очекуваме, повторно, но овојпат заедно да дојдете крај брегот на Охридското Езеро, онаму каде што првпат си подадовте рака и зачекоривте заедно по патот.

Вашата приказна е (и) убава македонска приказна. Раскажувајте ја (и) на македонски јазик, пишуваат од МСМЈЛК при УКИМ.

Фото: МСМЈЛК при УКИМ/Фејсбук

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

„Порше лизинг“ го доби тендерот на Здравствен дом-Скопје за набавка на 13 возила вреден 224.000 евра

Редакција

Денеска ќе има нова иницијатива за гласање на недоверба на Владата, најави Реџепи

Редакција

Просечната каматна стапка на вкупните кредити 4,35, на депозитите 0,71%

Редакција