(Фото) „Огнената група“ на средба кај Ахмети: Лидерот вели дека партијата е национално богатство и меѓучовечките односи мора да се средат

Лидерот на ДУИ, Али Ахмети денеска се сретна со незадоволните партиски членови, т.н. „Огнена група“.

На средбата со Ахмети, беа членови од незадоволните ограноци на ДУИ од Сарај и Чаир, а помеѓу нив и Блерим Беџети, Изет Меџити и Висар Ганиу, кои беа потписници на писмото.

„Заедно со мојот претседател и пријател Али Ахмети и цврсто во мојот став против извршната власт,“ напиша Беџети на неговиот Фејсбук-профил, каде што објави фотографија со Ахмети.

Беџети по средбата изјави дека стои зад потписот во писмото со кој го изразува незадоволството, и дека немаат никакви услови упатени до Ахмети, туку остануваат на забелешките.

Лидерот на ДУИ, пак Али Ахмети изјави дека партијата е национално богатство на Албанците во Македонија и нормално е да има незадоволство во меѓучовечките односи.

„ДУИ е национално богатство на Албанците во Македонија и единствена од Струга до Куманово и Липково. Денеска зборував за меѓучовечки односи, овие работи мора да се средат. 20 години се занимавам со тоа,“ изјави Ахмети.

ПОВРЗАНИ ВЕСТИ

(Фото) Незадоволство на „Чаирското крило“ на ДУИ: Кадровските избори се претворија во привилегија на поединецот Артан Груби

Фото: Инстаграм/Беџети/ДУИ