Осумгодишно дете, со тешки повреди, се спаси себе си и татко му после сообраќајка на патот Дреново – Кавадарци, која се случи синоќа.
Откако нивниот автомобил излетал од патот, тоа успеал да се јави на 112 и да побара помош, информираше на својот Фејсбук профил, градоначалникот на Кавадарци, Митко Јанчев, кој објави и фотографии од несреќата.
„Автомобил во кој се наоѓале татко и син излетал 22 метри од патот. Случајот го пријавил детето кое има само 8 години, и кое и покрај повредите успеало да се јави на 112 и да побара помош за себе и својот татко.
Благодарение на пожарникарите во постојана комуникација со детето, колата е пронајдена, а двајцата со тешки повреди од Општа Болница Кавадарци се пренесени во Скопје.
Браво за нашиот мал херој, кој и покрај повредите успеал да се јави и да побара помош. Со зборовите “гледам само темница, заглавен сум, се ме боли…, а татко ми не дише“.
Се молиме за нив“, напиша Јанчев.
Фото: Фејсбук/Јанчев