Тамара Тодевска ја објави својата нова песна „Торнадо“.
Текстот е дело на српската пејачка и кантавторка Ана Радоњиќ /Зое Кида, додека за музиката и аранжманот беа задолжени Тамара и нејзиниот долгогодишен соработник и пријател, Лазар Цветкоски.
Спотот за песната го работеше продукцијата „Division”, а истиот, во текот на јуни се снимаше на неколку локации низ Скопје.
„Торнадо“ е вториот сингл на Тамара годинава, во кој има повеќе боја, побрз ритам и позитивна енергија, соодветни за топлите летни денови.
„„Торнадо“ е нашата нова музичка приказна, а јас сум пресреќна што создадовме песна и спот, кои се исполнети со брз ритам и убава енергија. Тоа најмногу ни треба во периодов во кој живееме!
Задоволна сум од целосниот производ, од песната и од спотот и искрено верувам дека истата ќе и се допадне на мојата публика, како во Македонија, така и низ земјите во регионот,“ посочува Тамара.
Спотот на одличен начин ја доловува „Торнадо“. Во истиот учествуваат повеќе танчери, додека главен кореограф е Дејан Битровски. Целата танцова екипа, придружувани од Тамара споделуваат неверојатна енергија и емоција.
Песната и видео – записот се издадени од АДА Варнерс Рекордс, а „Торнадо“ e достапна и на сите дигитални музички платформи.
Тодевска изминатиот период имаше повеќе концерти низ Македонија, а со свои медиумски гостувања и настапи беше активна и во земјите од регионот, како и на неколку предевровизиски настани.
Промотивна објава