Премиерот Зоран Заев, заедно со претседателот Стево Пендаровски и собранискиот спикер Талат Џафери беа на божиќен ручек кај г.г Стефан.
„Заедно со претседателот, Стево Пендаровски и претседателот на Собранието, Талат Џафери, присуствувавме на традиционалниот божикен прием, кој архиепископот Г.Г. Стефан го приредува секоја година по повод божикните празници и именденот на Архиепископот.
Во мое лично име и во името на Владата на Северна Македонија, на Архиепискотот, на членовите на Синодот, на ценетото свештенство и монаштво, како и на сите православни верници во нашата земја, го честитам големиот христијански празник Рождество Христово – Божик.
Во духот на празникот на радоста и надежта, кој годинава го чествуваме во посебни услови поради пандемијата на Ковид-19, овие денови да покажеме одговорност кон себе, кон своето семејство и кон државата, да ги почитуваме препораките за физичко растојание и за носење заштитна опрема. Да се заштитиме себеси и здравјето на нашите ближни.
Нека е честит и благословен големиот христијански празник – Божик! „Христос се роди! Навистина се роди!,“ напиша Заев на неговиот фејсбук-профил.
Фото: Влада