Зоолошка градина од ден на ден го менува својот лик, а забележително е што многу често има принови од животните што секако е знак дека тие се чувствуваат како дома. Голем придонес за ваквите позитивни промени има тимот што се грижи за животните.
По повод Светската национална недела на ЗОО негователи тие беа прогласени за супер херои на скопската Зоолошка градина.
„Ова се нашите супер херои. Тие се семејство на животните за кои се грижат. Понекогаш и по 24 часа ги чуваат како свои деца – на сонце, на дожд, на студ, на пеколни горештини. Тие им се и мајка и татко, пријатели, браќа, чувари, другари, доктори, чистачи, бејбиситери, хаус мајстори, градежници, готвачи па дури и обезбедување.
Луѓето кои ги сакаат животните се скапоценост. Да ги чествуваме и да се заблагодариме на нивната посветеност“, напишаа од Скопје ЗОО на нивната Фејсбук страница.
Фото: Фејсбук/Скопје ЗОО