За најголемиот празник на христијаните Велигден, на градскиот плоштад во Свети Николе е поставено големо велигденско јајце со мотиви од црквата Свети Никола и заштитникот на градот, Свети Никола.
Како што информираат од Општината, јајцето е високо три метри, а широко 2 метри.
Тежи 600 килограми.
Јајцето го изработија жители на Свети Николе:
“Иле Панајотов кој со математичка и професионална изработка го изработи велигденското јајце, а магијата претворена во уметност беше во рацете на Маја Ефтимова Стојанова и целиот тим зад неа од надарени, неуморни, мотивирани, посветени луѓе: Иле Михајловски и Сања Накова, ликовните уметници Биљана Трајанова и Бојан Тосевски“, велат од Општината.
Фото: Општина Свети Николе
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.